![Tappi Ein af myndum Hermanns Vierkes úr tappamyndaröðinni.](/myndir/gagnasafn/2024/08/22/51dd4e02-cedc-4329-8da0-0755df696db4.jpg)
Tappi Ein af myndum Hermanns Vierkes úr tappamyndaröðinni.
Ljósmyndararnir Jutta Biesemann og Hermann Vierke opna sýningu í Deiglunni á Akureyri en hún verður aðeins opin um helgina, 24.-25. ágúst, frá kl. 14-17. Þau hafa dvalið í gestavinnustofu á vegum Gilfélagsins.
Jutta Biesemann sýnir meðal annars kyrralífsmyndir af munum sem hún fann í gestavinnustofunni og í verslun hér á Akureyri með notaða muni og bjó til uppstillingar fyrir ljósmyndunina. Hermann Vierke sýnir síðan meðal annars myndir af flöskutöppum þeim sem hann fann fyrir utan húsið sem og land- og sjávarmyndir.