![Gjörningur Ragnar og Lucky 3 verða með gjörning á Kjarvalsstöðum.](/myndir/gagnasafn/2024/08/22/9360df6c-45b9-4429-a240-a786fd308c93.jpg)
Þétt dagskrá verður í safnahúsum Listasafns Reykjavíkur á Menningarnótt og boðið upp á ýmsa viðburði. Frítt verður inn á allar sýningar og viðburði og opið fram á kvöld.
Í Hafnarhúsi hefst dagskráin klukkan 12 með Erró – klippismiðju og „Menningarmessi“ í portinu þar sem haldinn verður markaður og boðið upp á tónlist, sýningar, leiki og ljóðalestur. Þá verður Ingunn Fjóla Ingþórsdóttir með leiðsögn um sýninguna Murr og farandbrugghúsið Lady brewery stendur fyrir „pop-up“ bar.
Á Kjarvalsstöðum verður listahópurinn Lucky 3 ásamt Ragnari Kjartanssyni með gjörning undir yfirskriftinni „Hjúkrun“ klukkan 18. Gjörningurinn er „hugleiðing um skörun á blætisvæðingu asískra kvenna og heilbrigðisiðnaðarins, hugmyndina um umönnun og hvernig hún nærir gamlar rasískar staðalímyndir“, eins og segir á heimasíðu safnsins. Listahópurinn Lucky 3 var stofnaður af þremur íslenskum listamönnum af
...