![Improv Ísland.](/myndir/gagnasafn/2024/08/22/c60ff6ef-9be4-418b-93cc-c5764e57b790.jpg)
Improv Ísland.
Hið árlega spunamaraþon Improv Ísland á Menningarnótt fer nú í fyrsta sinn fram á Stóra sviði Þjóðleikhússins í stað Þjóðleikhúskjallara. Fyrsta sýning hefst kl. 15 á laugardag og sýningar standa til kl. 22.50. Í ár eru tíu ár frá fyrsta spunamaraþoni Improv Íslands og nú munu reyndustu spunaleikarar Improv Íslands enn á ný búa til splunkunýja spunasýningu á klukkutíma fresti. Almennar sýningar Improv Íslands hefjast 11. september.