![Sviðslistahópurinn Óður Sigurður Helgi píanisti, Sólveig Sigurðardóttir sópran, Þórhallur Auður Helgason tenór, Ragnar Pétur Jóhannsson bassi og Áslákur Ingvarsson baritón. Áslákur gekk til liðs við Óð fyrir tveimur árum.](/myndir/gagnasafn/2024/08/23/a44360a2-20c8-4c79-a3c8-5d17e8daa9b5.jpg)
Kristín Heiða Kristinsdóttir
khk@mbl.is
„Við treystum okkur alveg í þetta, við syngjum mikið og erum í góðri þjálfun,“ segir Áslákur Ingvarsson barítón, en hann og félagar hans í Sviðslistahópnum Óði ætla að freista þess að setja heimsmet á morgun, laugardag, á Menningarnótt, þegar þau syngja þrjár óperur í fullri lengd á sama degi í Þjóðleikhúskjallaranum. Þetta eru gamanóperurnar Póst-Jón, Don Pasquale og Ástardrykkurinn.
„Hugmyndin var ekki að setja heimsmet, heldur fyrst og fremst að halda uppskeruhátíð síðustu þriggja ára hjá okkur sem erum saman í Óði. Þetta verður óður til óperunnar, en að syngja þrjár óperur sama dag með sömu söngvurum yrði aldrei gert í óperuhúsum, það myndi til dæmis stangast á við kjarasamninga. Við í Óði erum í öruggu umhverfi sem við þekkjum vel og
...