![Spánn Hildur hefur leikið 18 A-landsleiki og skorað tvö mörk.](/myndir/gagnasafn/2024/08/24/f47de54c-2d64-4b61-8734-98550e1d0c4a.jpg)
Spánn Hildur hefur leikið 18 A-landsleiki og skorað tvö mörk.
— Morgunblaðið/Kristinn Magnússon
Hildur Antonsdóttir, landsliðskona í knattspyrnu, er gengin til liðs við spænska félagið Madrid CFF, sem leikur í efstu deild þar í landi. Hildur kemur til félagsins á frjálsri sölu frá Fortuna Sittard í Hollandi, þar sem hún lék undanfarin tvö ár í efstu deild.
Hildur gekk til liðs við hollenska félagið frá Breiðabliki en hún hefur einnig spilað fyrir Val.
Madrid CFF var stofnað árið 2010 og hafnaði í sjötta sæti efstu deildar Spánar á síðasta tímabili.