![„Þetta er þörf. Annars væri ég ekki að þessu,“ segir Rúnar Rúnarsson um starf sitt í kvikmyndageiranum sem hefur fært honum ótal verðlaun og viðurkenningar.](/myndir/gagnasafn/2024/08/24/d16e59b1-bd5b-4d9c-8eaa-9eee674c8567.jpg)
Ljósbrot, kvikmynd Rúnars Rúnarssonar, verður frumsýnd hér á landi 28. ágúst. Myndin var opnunarmynd á kvikmyndahátíðinni í Cannes í maí, fékk gríðarlega góðar viðtökur og hefur síðan þá unnið til fernra alþjóðlegra verðlauna. Hún er fjórða kvikmynd Rúnars sem valin er á Cannes-hátíðina. Hún er jafnframt fjórða mynd Rúnars í fullri lengd. Hann leikstýrir, skrifar handrit og er framleiðandi.
Rúnar er 47 ára og á ferlinum hefur hann hlotið um hundrað alþjóðleg verðlaun fyrir stuttmyndir og ein þeirra, Síðasti bærinn, var tilnefnd til Óskarsverðlauna 2006 sem besta stuttmyndin. Nýjasta stuttmynd hans, O (Hringur), með Ingvari Sigurðssyni í aðalhlutverki, hefur verið valin til að keppa um aðalverðlaun stuttmyndakeppninnar í Feneyjum.
Fyrsta mynd Rúnars í fullri lengd, Eldfjall (2011), hlaut sautján alþjóðleg verðlaun,
...