![Feðginin Anna Gréta og Sigurður.](/myndir/gagnasafn/2024/08/24/fd27d48a-7522-4111-aa5d-036522d60d76.jpg)
Feðginin Anna Gréta og Sigurður.
Flosason-fjölskyldan kemur fram á þrettándu tónleikum sumardjasstónleikaraðar veitingastaðarins Jómfrúarinnar við Lækjargötu í dag á milli 15 og 17. Hljómsveitina skipa feðginin Sigurður Flosason á saxófón og Anna Gréta Sigurðardóttir sem syngur og spilar á píanó. Þá mun tengdasonurinn Johan Tengholm leika á kontrabassa og Einar Scheving spila á trommur. Segir í tilkynningu að skyldleiki Einars við fjölskylduna sé óskilgreindur og að flutt verði „fjölbreytt úrval djassstandarda í bland við stöku frumsamið lag“. Tónleikarnir fara fram utandyra á Jómfrúartorginu og er aðgangur ókeypis.