![Pavel Dúrov](/myndir/gagnasafn/2024/08/26/b9556c1b-0456-48d7-ae32-42a0d22d4018.jpg)
Pavel Dúrov
Pavel Dúrov, fransk-rússneskur milljarðamæringur og forstjóri hins umdeilda samskiptaforrits Telegram, sætir nú gæsluvarðhaldi í Frakklandi eftir að hann var handtekinn við komu til Parísar á laugardag.
Gefin hafði verið út handtökuskipan vegna rannsóknar á meintum brotum Telegram en Dúrov er sakaður um að hafa ekki haft nein afskipti af glæpsamlegri notkun á samskiptaforritinu sem notað hefur verið til að skipuleggja ýmiskonar ólögleg athæfi. Telegram hefur skuldbundið sig til láta aldrei af hendi upplýsingar um notendur sína.
Yfirheyrslur yfir Dúrov standa nú yfir en á næstu dögum mun hann mæta fyrir dómara sem ákveður hvort honum verði sleppt úr haldi eða hann ákærður.