Mikið var um dýrðir í Parísarborg í gær, en þá var þess minnst að áttatíu ár voru liðin frá því að borgin var frelsuð úr höndum þýska hersins í síðari heimsstyrjöld. Var m.a. haldin vegleg skrúðganga, þar sem fólk brá sér í klæði franskra og…
![](/myndir/gagnasafn/2024/08/26/41903def-6baa-4a84-b076-79aa142f7d65.jpg)
— AFP/Alain Jocard
Mikið var um dýrðir í Parísarborg í gær, en þá var þess minnst að áttatíu ár voru liðin frá því að borgin var frelsuð úr höndum þýska hersins í síðari heimsstyrjöld. Var m.a. haldin vegleg skrúðganga, þar sem fólk brá sér í klæði franskra og bandarískra hermanna frá tímum stríðsins, ásamt því að Sherman-skriðdrekar og Willys-jeppar keyrðu um götur borgarinnar.
Þá var franski fáninn dreginn að hún við Eiffel-turninn til minningar um slökkviliðsmenn borgarinnar, sem héldu að turninum þegar borgin var frelsuð til þess að taka niður nasistafánann sem hafði blakt þar í fjögur ár og flögguðu þeim franska í staðinn.
Hátíðahöldunum lauk svo um kvöldið með tónleikum við ráðhús Parísarborgar.