kvikmyndir
Helgi Snær Sigurðsson
Fáar kvikmyndir hafa vakið annan eins ótta í kvikmyndasögunni og Alien eftir leikstjórann Ridley Scott frá árinu 1979. Var það ekki síst geimverunni að þakka sem myndin er kennd við, sköpunarverki svissneska myndlistarmannsins H.R. Gigers. Fyrirmyndin var sótt í myndasyrpuna „Necronom IV“ sem hann gerði nokkrum árum áður en kvikmyndin var frumsýnd. Geimveran í Alien var vægast sagt hrollvekjandi, stór og mikil og slepjuleg en það sem gerði útslagið var lítið höfuð sem kom út úr munninum á henni. Það var geimvera í geimverunni! Brellurnar sem sjást í myndinni voru verk Ítalans Carlos Rambalds og einhverjar þær skelfilegustu sem þá höfðu sést í kvikmynd.
Alien var frumsýnd fyrir 45 árum og voru brellurnar því af gamla
...