Flugvélin TF-SIF Bilunin í hreyflum vélarinnar er alvarlegt högg fyrir fjárhag Gæslunnar. Nú er unnið að lausn.
— Ljósmynd/Landhelgisgæslan
Baksvið
Sigtryggur Sigtryggsson
sisi@mbl.is
Hin alvarlega og dýra bilun sem varð í hreyflum gæsluflugvélarinnar TF-SIF kemur sér afar illa fyrir Landhelgisgæsluna sem hefur búið við þröngan fjárhag um margra ára skeið.
Til skoðunar er í dómsmálaráðuneytinu hvernig brugðist verði við þessu höggi sem Landhelgisgæslan hefur orðið fyrir.
Eins og fram kom í Morgunblaðinu fyrir helgi kom upp tæring í hreyflum flugvélarinnar. Voru hreyflarnir sendir til viðgerðar í Kanada. Kostnaður vegna viðgerðar á hreyflunum er áætlaður rúmar 300 milljónir króna. Við þetta bætist að vélin gat ekki farið í umsamið verkefni á Miðjarðarhafi fyrir Frontex,
...