Knattspyrnukonan Selma Sól Magnúsdóttir gekk til liðs við norska úrvalsdeildarfélagið Rosenborg á nýjan leik á dögunum eftir hálft ár hjá Nürnberg í þýsku 1. deildinni en hún skrifaði undir 18 mánaða samning í Noregi
Laugardalsvöllur Selma Sól Magnúsdóttir skrifaði undir 18 mánaða samning í Noregi en hún á að baki 41 A-landsleik fyrir Ísland og fjögur mörk.
— Morgunblaðið/Eggert
Noregur
Bjarni Helgason
bjarnih@mbl.is
Knattspyrnukonan Selma Sól Magnúsdóttir gekk til liðs við norska úrvalsdeildarfélagið Rosenborg á nýjan leik á dögunum eftir hálft ár hjá Nürnberg í þýsku 1. deildinni en hún skrifaði undir 18 mánaða samning í Noregi.
Selma Sól, sem er 26 ára gömul, hélt út í atvinnumennsku árið 2022 þegar hún gekk til liðs við norska félagið frá uppeldisfélagi sínu Breiðablik. Hún lék með Rosenborg í tvö tímabil, 2022 og 2023, áður en hún gekk til liðs við Nürnberg í janúar síðastliðnum en þýska félagið féll úr efstu deild Þýskalands síðasta vor.
„Mér hefur alltaf liðið vel í Noregi og að koma aftur til Rosenborg var í raun bara aðeins eins og að koma aftur heim,“ sagði Selma Sól í samtali
...