Sæsnigill, sem nefndur er svartserkur, er ný framandi tegund í fjörum hér við land. Áður hafði hann einungis fundist við austurströnd Kyrrahafs og á Kanaríeyjum, Grænhöfðaeyjum og Madeira í Atlantshafi, að því er kemur fram í vísindagrein sem starfsmenn Hafrannsóknastofnunar og Náttúrustofu Suðvesturlands hafa birt á vef Cambridge-háskóla.
Vísindamennirnir telja líklegast að dýrin hafi borist til Íslands með skipum, annaðhvort í kjölvatni eða sem ásætur.
Fram kemur á vef Hafrannsóknastofnunar að fyrst varð vart við eggjasekki svartserks, sem eru frekar stórir og áberandi, árið 2020 í Sandgerði og síðar sáust þeir í Fossvogi. Í júní 2022 fundust eggjasekkir við innanverðan Breiðafjörð en í ágúst 2023 fundust fyrstu dýrin í Breiðafirði.
Greint var frá þessari nýju fjörulífveru
...