Bergþóra hjá Vegagerðinni

Ranglega var farið með nafn Bergþóru Kristinsdóttur, fulltrúa Vegagerðarinnar í samhæfingarmiðstöð almannavarna, í blaðinu í gær og er beðist velvirðingar á því.

Vegna fyrirsagnar í sömu frétt skal áréttað að Vegagerðin telur ekki ástæðu að svo stöddu til að fara í gerð varnargarða við Reykjanesbraut vegna hraunflæðis frá eldgosinu. Fylgst er vel með framvindu mála og til eru áætlanir um að verja Reykjanesbrautina þegar og ef hraun ógnar henni, eins og fram kom í fréttinni.