Haustsýning Hafnarborgar í ár, Óþekkt alúð, verður opnuð í kvöld, fimmtudagskvöld, kl. 20. Sýningin er sú fjórtánda í haustsýningaröð Hafnarborgar sem hóf göngu sína árið 2011
Myndlist Verk eftir Juliönu Irene Smith af samsýningunni Óþekkt alúð þar sem 14 sýna.
Haustsýning Hafnarborgar í ár, Óþekkt alúð, verður opnuð í kvöld, fimmtudagskvöld, kl. 20. Sýningin er sú fjórtánda í haustsýningaröð Hafnarborgar sem hóf göngu sína árið 2011. Í tengslum við hátíðina List án landamæra verður einnig opnuð einkasýning Elínar Sigríðar Maríu Ólafsdóttur, „Við sjáum það sem við viljum sjá“, í Sverrissal Hafnarborgar en Elín var fyrr á árinu útnefnd listamanneskja hátíðarinnar í ár.
Óþekkt alúð, sem stendur til 27. október, er í kynningartexta sögð spretta „út frá þörfinni fyrir að finna töfra í heimi sem virðist að mörgu leyti vera göldrum firrtur, á tímum án bjartrar vonar“. Um er að ræða samsýningu fjórtán listamanna.
„Við sjáum það sem við viljum sjá“ stendur til 3. nóvember.
...