Óskar Bergsson
oskar@mbl.is
Fastagestir Breiðholtslaugar hafa kvartað yfir því að búið sé að taka hurðir úr dyragötum inn að sturtu- og hvíldarherbergjum við sánuklefa laugarinnar. Ekki sé lengur heimilt að vera nakinn í gufubaði og búið sé að fjarlægja sápur við sturtur klefanna.
Í svari við fyrirspurn blaðsins um hvers vegna klefarnir séu ekki lengur kynjaskiptir segir Eva Bergþóra Guðbergsdóttir samskiptastjóri Reykjavíkurborgar að það fari eftir aðstöðu á hverjum stað, stundum séu gufuböðin kynjaskipt og stundum ekki.
„Í Breiðholtslaug er kynjaskipt þurrgufa. Eina breytingin er að það er búið að bæta við skyldu um að vera í sundfatnaði svo að starfsfólk óháð kyni geti sinnt öryggiseftirliti og þrifum sem bætir hreinlæti og endingartíma gufunnar. Sumir viðskiptavinir vilja frekar kynjaskiptar gufur á
...