![Hetja Hákon Rafn Valdimarsson tryggði Brentford dýrmætan sigur.](/myndir/gagnasafn/2024/08/30/aff03b10-13ac-41ed-8e33-098aae36d307.jpg)
Hetja Hákon Rafn Valdimarsson tryggði Brentford dýrmætan sigur.
— Ljósmynd/Szilvia Micheller
Hákon Rafn Valdimarsson var hetja Brentford þegar liðið hafði betur gegn Colchester á útivelli í 2. umferð enska deildabikarsins í knattspyrnu á miðvikudaginn. Þetta var fyrsti keppnisleikur Hákons fyrir Brentford, en hann varði vítaspyrnu á 82. mínútu og tryggði liðinu sínu dýrmætan 1:0-sigur. Hann var útnefndur maður leiksins í leikslok, en Hákon gekk til liðs við enska félagið frá Elfsborg í Svíþjóð í janúar á þessu ári.