Bjarni Benediktsson forsætisráðherra heimsótti Siglufjörð í gær til að virða fyrir sér þær hamfarir sem herjað hafa á bæinn síðustu daga og ekki síður jarðsig og skriður á Siglufjarðarvegi í svonefndum Almenningum
![Siglufjarðarvegur Bjarni segir það hafa verið gagnlegt að fara á svæði hamfaranna og funda með fólki af svæðinu.](/myndir/gagnasafn/2024/08/30/b9831cc1-c8a3-458e-ad2b-8b8079d5f8b9.jpg)
Siglufjarðarvegur Bjarni segir það hafa verið gagnlegt að fara á svæði hamfaranna og funda með fólki af svæðinu.
— Ljósmynd/Fjallabyggð
Egill Aaron Ægisson Ólafur Pálsson
Bjarni Benediktsson forsætisráðherra heimsótti Siglufjörð í gær til að virða fyrir sér þær hamfarir sem herjað hafa á bæinn síðustu daga og ekki síður jarðsig og skriður á Siglufjarðarvegi í svonefndum Almenningum.
Úrhellisrigning var á Tröllaskaga í liðinni viku. Grjót- og aurskriður féllu og ákvað aðgerðastjórn á Norðurlandi að loka Siglufjarðarvegi fyrir viku vegna vatnavaxta og skriðufalla.
Í skriflegu svari til Morgunblaðsins segir Bjarni það hafa verið gagnlegt að fara á vettvang hamfaranna og funda með fólki af svæðinu. Hafi hann hitt bæjarstjóra Fjallabyggðar, Sigríði Ingvarsdóttur, auk fulltrúa Fjallabyggðar, slökkviliðsstjóra svæðisins og ofanflóðasérfræðings Veðurstofu Íslands.
...