![RÚV Fréttir án málalenginga og mass.](/myndir/gagnasafn/2024/08/30/d052357a-c61a-41c8-a95f-42a11a869e3a.jpg)
Sigurður Bogi Sævarsson
Takturinn í lífi ljósvaka dagsins ruglaðist nú í sumar þegar RÚV færði kvöldfréttatíma sjónvarpsins til í dagskránni vegna stórra íþróttaviðburða. Þetta kom svo sem ekki að sök; alltaf má pikka fréttirnar upp á netinu og horfa á eða hlusta þegar góður tími gefst. Eigi að síður er ansi ríkt í lífi þjóðar að miða lífið við að kvöldfréttirnar í Efstaleiti séu klukkan sjö og seinni skammturinn svo klukkan tíu. Á tímum upplýsingaóreiðu, sem svo er kallað, er mikilvægt að rugla ekki úr hófi með fasta liði eins og fréttatímann. Vonandi verður þetta ekki endurtekið.
Börnin í lífi ljósvakans, lítil frændsystkin sem eru 9 og 12 ára, alast upp í því umhverfi að þar horfir fjölskyldan gjarnan saman á fréttatímann. Þetta er til fyrirmyndar. Spurningar vakna og svör fást, til dæmis um Grindavíkurgos eða stríðsrekstur úti í hinum stóra heimi. Í sumar voru þessi börn líka alveg með
...