![](/myndir/gagnasafn/2024/08/30/2cd77ec4-0d4b-403a-b0cf-91928729b593.jpg)
— Morgunblaðið/Sigurður Bogi
Fjallahjólakappar í tugatali tóku sprettinn og fóru greitt þegar keppnin Fellahringurinn í Mosfellsbæ var sett undir kvöld í gær. Þetta fjallahjólamót þar sem farið er um stíga og slóða umhverfis fellin í Mosfellsbænum, en þau eru fjölmörg. Viðburður þessi er einn af mörgum góðum á bæjarhátíð Mosfellinga, Í túninu heima, sem hófst í gær.
Hátíðin góða stendur fram á sunnudag og þar verður bryddað upp á mörgu skemmtilegu, þá ekki síst af fólkinu í bænum sem býður heim í gróðursæla garða sína, stendur fyrir götugrillum og skipuleggur viðburði. Í kvöld er skemmtun í Álafellskvos og stórtónleikar á miðbæjartorgi á morgun.