Víkingur Heiðar Ólafsson leikur með Berlínarfílharmóníunni á tónlistarhátíðinni BBC Proms í kvöld. Tónleikunum er útvarpað á BBC Radio 3 og hefjast þeir kl. 19 að íslenskum tíma
![Píanó Víkingur Heiðar verður einnig gestur í vinsælum morgunþætti.](/myndir/gagnasafn/2024/08/31/df38ae76-b24d-4758-8be9-18c1147d1e23.jpg)
Píanó Víkingur Heiðar verður einnig gestur í vinsælum morgunþætti.
— Morgunblaðið/Einar Falur
Víkingur Heiðar Ólafsson leikur með Berlínarfílharmóníunni á tónlistarhátíðinni BBC Proms í kvöld. Tónleikunum er útvarpað á BBC Radio 3 og hefjast þeir kl. 19 að íslenskum tíma.
Hljómsveitarstjóri er Kirill Petrenko en leikin verða verk eftir Robert Schumann og Bedrich Smetana. Þá verður Víkingur einnig gestur í útvarpsþætti Tom Service, Saturday morning, á
BBC 3 nú í morgunsárið, kl. 8, en finna má þáttinn á vef BBC eftir að útsendingu lýkur.
Þess má geta að verk eftir íslensku tónskáldin Hildi Guðnadóttur og Herdísi Stefánsdóttur voru flutt á öðrum tónleikum á Proms-hátíðinni fyrr í mánuðinum.