![](/myndir/gagnasafn/2024/08/31/f236ddc0-5af4-46d8-9eb8-56cf7b398b42.jpg)
Íslandsmeistaramótið í dauðadýfu (e. deathdive) svokallaðri fer fram um helgina en Konni Gotta, helsti sérfræðingur landsins í þessari nýstárlegu jaðaríþrótt, mætti í Ísland vaknar fyrir helgi og ræddi sportið og mótið við þau Kristínu Sif, Bolla Má og Þór Bæring. Mótið fer fram í Hopplandi á Akranesi á morgun, sunnudaginn 1. september, kl. 16:00.
Segja má að dauðadýfa sé ein harðasta íþrótt sem keppt er í á Íslandi, en þar stökkva menn af 10-12 metra pöllum með alls konar tilþrifum. Viðtalið má heyra á K100.is.