Á ekki langt að sækja áhuga sinn á hafinu

Íslenskur sjávarútvegur hefur lengi verið okkar öflugasta útflutningsgrein og máttarstólpi í gjaldeyristekjum þjóðarinnar. Vexti greinarinnar eru þó takmörk sett frá náttúrunnar hendi og gegnir Hafrannsóknastofnun, stærsta rannsóknastofnun landsins á sviði haf- og vatnarannsókna, mikilvægu hlutverki í því samhengi.

Þorsteinn Sigurðsson forstjóri Hafrannsóknastofnunar er ekki bara sérfræðingur um hafið sem umlykur Ísland, hann er einnig hafsjór af upplýsingum um vistkerfi sem finna má á landi, enda hefur hann unnið hjá stofnuninni í tæpa fjóra áratugi, eða frá því árið 1987 þegar hann hóf fyrst störf þar sem sumarstarfsmaður. Hann lærði líffræði við Háskóla Íslands og fór síðar í framhaldsnám til Bergen í Noregi að læra fiskifræði.