![Jól Bubbi Morthens mun halda Þorláksmessutónleika sína í 40. sinn.](/myndir/gagnasafn/2024/08/31/83914a74-ce96-4c36-9450-29bdb57188ae.jpg)
Þegar er byrjað að auglýsa hina ýmsu jólatónleika og -hlaðborð, þótt enn séu 115 dagar til jóla og sumarið hafi varla byrjað. Þykir ljóst að hörð samkeppni verður á meðal veitingamanna og skemmtikrafta landsins um hylli landsmanna, en algengt verð á jólahlaðborð að þessu sinni er um 16.000 krónur á mann. Getur jólaskemmtunin því kostað drjúgan skilding fyrir hjón sem ákveða að fara á bæði hlaðborð og tónleika.
Farið er yfir nokkra af helstu viðburðum jólavertíðarinnar sem þegar hafa verið kynntir í Morgunblaðinu í dag, og má þar m.a. nefna að Sigga Beinteins mun halda sína jólatónleika í 15. sinn, en einnig verða góðkunnir tónlistarmenn á borð við Geir Ólafs og Friðrik Ómar stórtækir á jólatónleikamarkaðnum í ár. Þá kvikna Frostrósir aftur til lífsins, auk þess sem Bubbi Morthens mun halda Þorláksmessutónleikana sína í fertugasta sinn. » 16