![Stuð Djassrokkhljómsveitin Gammar.](/myndir/gagnasafn/2024/08/31/20f21630-4fbe-4fdd-9150-34c0c9a0b14d.jpg)
Stuð Djassrokkhljómsveitin Gammar.
Á fjórtándu og síðustu tónleikum sumardjasstónleikaraðar veitingastaðarins Jómfrúarinnar við Lækjargötu, laugardaginn 31. ágúst, kemur fram djassrokkhljómsveitin Gammar. Meðlimir Gamma eru Stefán S. Stefánsson saxófón- og flautuleikari, Björn Thoroddsen á gítar, Þórir Baldursson á píanó og orgel, Bjarni Sveinbjörnsson á bassa og Sigfús Óttarsson trommuleikari. Tónleikarnir fara fram utandyra á Jómfrúartorginu. Þeir hefjast kl. 15 og standa til kl. 17. Aðgangur er ókeypis. Tónleikarnir eru haldnir í samvinnu við Jazzhátíð Reykjavíkur.