Mótmælendur flykktust í gær út á götur ísraelsku höfuðborgarinnar Tel Avív og tjáðu þar heift sína í garð forsætisráðherrans Benjamíns Netanjahús á hverjum öll spjót hafa staðið í fjölda málefna umhverfis þær viðsjár sem vaktar voru í kjölfar…
![Örvinglun Ísraelar þustu fylktu liði út á götur Tel Avív í gær í kjölfar fregna af látnum gíslum og kröfðu alvald sinn um að knýja óöldina til kyrrðar.](/myndir/gagnasafn/2024/09/02/d8c9b567-ade4-4654-8773-91128c792b42.jpg)
Örvinglun Ísraelar þustu fylktu liði út á götur Tel Avív í gær í kjölfar fregna af látnum gíslum og kröfðu alvald sinn um að knýja óöldina til kyrrðar.
— AFP/Jack Guez
Atli Steinn Guðmundsson
atlisteinn@mbl.is
Mótmælendur flykktust í gær út á götur ísraelsku höfuðborgarinnar Tel Avív og tjáðu þar heift sína í garð forsætisráðherrans Benjamíns Netanjahús á hverjum öll spjót hafa staðið í fjölda málefna umhverfis þær viðsjár sem vaktar voru í kjölfar innrásar liðsmanna Hamas-hryðjuverkasamtakanna palestínsku í fyrrahaust.
Fæst hafa spjótin þó reynst breiðari en þau er að ísraelskum gíslum í haldi Hamas beinast og hvorki gengur né rekur að fá heim. Þvert á móti greindi ísraelski herinn frá því um helgina að sex lík ísraelskra borgara hefðu fundist í göngum í Rafah-borg hins palestínska Gasasvæðis á laugardag.
„Við fáum líkpoka í stað samninga,“ hefur breska ríkisútvarpið BBC eftir Arnon Bar-David, formanni eins
...