![Viðbúnaður Lögreglan var með mikinn viðbúnað á laugardagskvöld.](/myndir/gagnasafn/2024/09/02/185c9f09-84ec-4400-9024-a8dfbf3adb72.jpg)
Líkamsárás átti sér stað á hátíðinni Í túninu heima í Mosfellsbæ á föstudag þar sem hníf var beitt. Þetta kom fram í dagbók lögreglu um helgina en þar sagði að árásarþolinn hefði sloppið við áverka þó að fatnaður hefði verið skorinn.
Gerandinn náðist ekki og hefur lögregla ekki upplýsingar um hann að svo stöddu.
Kvöldið eftir var lögregla með mikinn viðbúnað á hátíðinni þegar stórtónleikar fóru fram á Miðbæjartorgi. Ástæðan var þó ekki árásin á föstudaginn heldur tengdist viðbúnaðurinn orðrómi um mögulegar hefndaraðgerðir vegna stunguárásarinnar á Menningarnótt sem leiddi til andláts 17 ára stúlku, Bryndísar Klöru Birgisdóttur.
Árásirnar tengjast ekki
Hjördís Sigurbjartsdóttir aðstoðaryfirlögregluþjónn sagði í samtali við mbl.is í gærkvöldi að árásin á föstudeginum tengdist ekki orðrómnum.
„Það gerðist á föstudagskvöldinu, orðrómurinn var að það myndi eitthvað gerast
...