Kristján H. Johannessen
khj@mbl.is
Fulltrúar stjórnvalda í Kænugarði, þ. á m. varnarmálaráðherra Úkraínu, sátu nýverið fundi með bandarískum stjórnvöldum þar sem þeir lögðu áherslu á að Vesturlönd afléttu án tafar takmörkunum á notkun ýmissa vestrænna vopnakerfa, einkum langdrægra eldflauga. Segja Úkraínumenn mikilvægt að þeim verði leyft að sprengja upp skotmörk langt inni í rússnesku landi. Þannig megi stórskaða hergagnaframleiðslu Rússlands og getu þeirra til árása.
Volodimír Selenskí Úkraínuforseti segir vel hægt að ljúka stríðinu á sanngjarnan hátt fyrir Úkraínu með því einu að beita langdrægum eldflaugum Vesturlanda í meira mæli og það innan landamæra Rússlands.
„Ef ákveðið verður að aflétta öllum takmörkunum og okkur leyft að ráðast gegn Rússlandi
...