„Ég er utan þorps til taks og fylgi hópnum og er jafnvel líka að skoða nýjar íþróttagreinar. Ég fylgi hópnum en er ekki inni í ólympíuþorpi,“ sagði Geir Sverrisson fyrrverandi afreksíþróttamaður í samtali við Morgunblaðið
Gunnar Egill Daníelsson
gunnaregill@mbl.is
„Ég er utan þorps til taks og fylgi hópnum og er jafnvel líka að skoða nýjar íþróttagreinar. Ég fylgi hópnum en er ekki inni í ólympíuþorpi,“ sagði Geir Sverrisson fyrrverandi afreksíþróttamaður í samtali við Morgunblaðið. Hann er mættur á Paralympics-leikana í París 24 árum eftir að hann tók sjálfur þátt í þeim síðast, en nú í öðru hlutverki.
„Núna síðustu fimm ár hef ég verið í stjórn Íþróttasambands fatlaðra. Þetta er öðruvísi, nýr vinkill og nýtt verkefni að koma inn í. Ég skal alveg viðurkenna að það kemur stórt endurlit að ganga inn á opnunarhátíð, inn á leikvanga og þátttökustaði,“ hélt hann áfram.
Margt breyst á 24 árum
Spurður hvort honum þætti
...