![Ást Mun Jenn Tran finna sér eiginmann?](/myndir/gagnasafn/2024/09/04/2d54c6dc-6507-46cc-a34c-fedcf7d1f716.jpg)
Ásdís Ásgeirsdóttir
Hinir vinsælu þættir The Bachelor og The Bachelorette hafa nú verið sýndir í yfir tuttugu ár. Undirrituð ætti kannski ekki að viðurkenna að horfa á slíka lágmenningu en gerir það hér og nú. Ekki að ég hafi séð margar seríur, en þó hef ég dottið í þær nokkrar af og til og haft gaman af. Nýjasta serían af The Bachelorette er nú sýnd í Sjónvarpi Símans Premium og þegar þetta er ritað er aðeins lokaþátturinn eftir. Í þessari seríu fylgjumst við með hinni geðþekku Jenn Tran, ungri konu sem hefur hingað til verið afar óheppin í ástum.
Fyrir ykkur sem aldrei hafið séð þáttinn, þá mætir heimasæta og einhverir tugir manna sem allir reyna að heilla hana upp úr skónum, en markmiðið er að þátturinn endi á trúlofun. Alltaf er mikið drama í gangi, enda slettist stundum upp á vinskapinn þegar margir
...