![Snjór Gestir heilsulindarinnar geta fengið yfir sig raunverulegan snjó.](/myndir/gagnasafn/2024/09/05/bce453d6-dc88-47d5-b654-6e4596feaa71.jpg)
Rósa Margrét Tryggvadóttir
rosa@mbl.is
Reykjanesbær er eitt af mest vaxandi sveitafélögum á landinu enda einstaklega vel staðsett. Þar má meðal annars finna fyrsta fimm stjörnu hótel landsins, Diamond Suites, á efstu hæðinni á Hótel Keflavík en hótelið er fjölskyldurekið fyrirtæki sem hefur tekið á móti gestum í næstum 38 ár. Þar verður innan skamms hægt að fá einstaka lúxusupplifun fyrir öll skilningarvitin – meðal annars með snjókomu innanhúss.
Steinþór Jónsson eigandi hótelsins vinnur nú að opnun algjörlega einstaks upplifunarsvæðis og lúxusheilsulindar á neðstu hæð hótelsins. Staðurinn, sem mun bera heitið KEF SPA & Fitness, er þó miklu meira en bara spa og segja má að það setji ný viðmið hvað viðkemur vellíðan og líkamsrækt á Íslandi.
Ekkert var til sparað í
...