„Bíddu aðeins, ég ætla að fara inn í herbergi.“ Á þessum látlausu og hversdagslegu orðum hefst spjall við tvítugan Hafnfirðing, Gabríel Gauja Guðrúnarson, á Nøtterøy í Noregi, um hundrað kílómetra suður af Ósló
![Skátasveitin Gabríel annar frá vinstri í fremri röð með breiðara spjótið, sænska Carl Gustaf-sprengjuvörpu.](/myndir/gagnasafn/2024/09/05/be8f317c-f38d-4267-bbda-3b0acae74d63.jpg)
Skátasveitin Gabríel annar frá vinstri í fremri röð með breiðara spjótið, sænska Carl Gustaf-sprengjuvörpu.
Viðtal
Atli Steinn Guðmundsson
atlisteinn@mbl.is
„Bíddu aðeins, ég ætla að fara inn í herbergi.“ Á þessum látlausu og hversdagslegu orðum hefst spjall við tvítugan Hafnfirðing, Gabríel Gauja Guðrúnarson, á Nøtterøy í Noregi, um hundrað kílómetra suður af Ósló.
Auðveldlega getum við Íslendingar gumað af því að hafa átt hirðskáld í þjónustu Noregskonunga, nægir þar að nefna Sighvat Þórðarson, skáld Ólafs helga Haraldssonar sem orti kynngimögnuð dróttkvæði um ferðir konungs og orrustur.
Eftir því sem Morgunblaðið kemst næst – og þetta staðfestir viðmælandinn í þessu viðtali – hefur sagnaþjóðin stolta í norðri hins vegar aðeins átt einn son í lífvarðasveit Noregskonungs, Hans Majestet
...