Haukar unnu dramatískan sigur á Aftureldingu, 27:26, í fyrstu umferð úrvalsdeildar karla í handknattleik á Ásvöllum í gærkvöld. Afturelding gat komist yfir 40 sekúndum fyrir leikslok þegar liðið fékk vítakast en Aron Rafn Eðvarðsson varði frá Birgi Steini Jónssyni
![Ásvellir Þráinn Orri Jónsson var markahæstu hjá Haukum gegn Aftureldingu með sex mörk og reynir hér skot að marki Mosfellinga.](/myndir/gagnasafn/2024/09/06/8d138369-cfd9-48b8-b630-3be40fe15c94.jpg)
Ásvellir Þráinn Orri Jónsson var markahæstu hjá Haukum gegn Aftureldingu með sex mörk og reynir hér skot að marki Mosfellinga.
— Morgunblaðið/Árni Sæberg
Handboltinn
Víðir Sigurðsson
vs@mbl.is
Haukar unnu dramatískan sigur á Aftureldingu, 27:26, í fyrstu umferð úrvalsdeildar karla í handknattleik á Ásvöllum í gærkvöld.
Afturelding gat komist yfir 40 sekúndum fyrir leikslok þegar liðið fékk vítakast en Aron Rafn Eðvarðsson varði frá Birgi Steini Jónssyni.
Í staðinn skoraði Skarphéðinn Ívar Einarsson sigurmark Hauka með glæsilegu langskoti rétt áður en leiktíminn rann út.
Leikurinn var hnífjafn og aðeins einu sinni munaði meiru en tveimur mörkum á liðunum.
Þráinn Orri Jónsson skoraði 6 mörk fyrir Hauka, Skarphéðinn Ívar 4 og Andri Fannar Elísson 4, og þá varði Vilius Rasimas 15 skot
...