Andrés Magnússon, sem lét af störfum sem framkvæmdastjóri Samtaka verslunar og þjónustu um mánaðamótin, og hefur langa reynslu af starfi fyrir ýmis samtök í atvinnulífinu, benti á ýmislegt umhugsunarvert í samtali við Morgunblaðið í gær.
Hann nefndi til að mynda að hann gæti ekki „varist þeirri hugsun hversu valdamikið embættismannakerfið hér á landi er orðið í samanburði við það sem var hér á árum áður. Þá voru stjórnmálin öflugri en þau eru í dag.“
Andrés er ekki einn um að hafa þessa tilfinningu og ábendingar hans um að embættismenn hafi ráðið för um of og að stjórnmálamenn standi ekki í lappirnar og marki skýra stefnu eiga án efa rétt á sér. „Ástæðan fyrir að embættismenn hafa öðlast of mikil völd er einfaldlega sú að stjórnmálin eru ekki nógu öflug til að standa uppi í hárinu á embættismannakerfinu. Við höfum það mjög á tilfinningunni að tilteknir aðilar ráði miklu, t.d. á skattasviðinu. Þegar staðan er sú fara stjórnmálamenn ógjarnan
...