![Gunnlaugur Sigurðsson](/myndir/gagnasafn/2024/09/07/c11be116-c9b5-44fd-a27e-83593e92545a.jpg)
Þorsteinn Þorsteinsson og Gunnlaugur Sigurðsson
Það er að sjálfsögðu grafalvarlegt mál ef og þegar börnum okkar líður ekki vel í skóla. Ekki þarf að því að spyrja hvernig þeim nemendum gengur námið sem líður ekki vel í skóla. Við þekkjum það öll að fólki gengur vel í starfi ef því líður vel á vinnustað. Þess vegna er jafnan mikil áhersla lögð á að láta starfsmönnum líða vel í fyrirtækjum.
Vanlíðan drengja í grunnskóla
Ýmsar kannanir og athuganir leiða í ljós að mörgum drengjum líður ekki vel í skólunum okkar. Við okkur blasir sú staðreynd að stór hluti drengja getur ekki lesið sér til gagns við fimmtán ára aldurinn. Það er deginum ljósara að barni, sem situr á skólabekk á aldrinum sex til fimmtán ára og ræður ekki almennilega við lestur, hlýtur að líða illa. Hvað ætli hljótist af því að búa við vanlíðan svo árum skiptir?
...