![Fiskeldi Eldisfyrirtækið Matorka fær greiðslustöðvun vegna áfalla.](/myndir/gagnasafn/2024/09/10/7e05b44f-00d3-4caa-b665-ef17b445341e.jpg)
Héraðsdómur Reykjaness samþykkti í gær beiðni fiskeldisfyrirtækisins Matorku um greiðslustöðvun, en fyrirtækið rekur viðamikið landeldi á bleikju nálægt Grindavík. Greiðslustöðvunin varir til 25. september en fyrirtækið gerir ráð fyrir að sækja um framlengingu hennar til þriggja mánaða þegar hún rennur út.
Í tilkynningu frá Matorku, þar sem frá þessu er greint, kemur fram að fyrirtækið hafi orðið fyrir verulegum neikvæðum áhrifum vegna jarðskjálfta á svæðinu, en um 80 tonn af bleikju töpuðust í jarðskjálftum í nóvember 2023. Þá fór vatnsflæði í áframeldi úr skorðum og stórir eldistankar skemmdust. Rýmingar, endurtekið rafmagnsleysi og flutningur starfsfólks sem bjó í Grindavík hafði einnig neikvæð áhrif á reksturinn.
Loks hefur fyrirtækið þurft að flytja vinnslu sína fyrir sölu og útflutning til Hafnarfjarðar. Alls eru nú um 450 tonn af bleikju í eldi
...