Torfi Jónsson fæddist á Eyrarbakka 2. apríl 1935. Hann lést á Hrafnistu í Hraunvangi, Hafnarfirði, 26. ágúst 2024.
Foreldrar hans voru Hanna Alvilda Ingileif Helgason, fædd í Reykjavík 9. september 1910, d. 27. febrúar 1999, og Jón S. Helgason stórkaupmaður, 20. febrúar 1903, d. 28. nóvember 1976. Systkini Torfa voru: 1) Helgi V., hæstaréttarlögmaður og löggiltur endurskoðandi, f. 30. maí 1936, d. 2. mars 2021, kvæntur Ingibjörgu Jóhannsdóttur danskennara. 2) Hallgrímur G., fv. sparisjóðsstjóri, f. 29. nóvember 1940, kvæntur Valgerði Einarsdóttur. 3) Sigurveig I., upplýsingafulltrúi, f. 9. september 1943.
Torfi útskrifaðist úr Verslunarskóla Íslands 1954 og sótti í kjölfarið ýmis námskeið í Handíðaskólanum enda hafði hann málað myndir og teiknað frá barnæsku, ásamt því að starfa við rekstur foreldra sinna. Hann stundaði nám
...