Leggja rafstreng út í Gróttuvita

Veitur hafa sótt um og fengið leyfi til framkvæmda í friðlandinu Gróttu. Um er að ræða verkefni sem unnið er fyrir Vegagerðina og snýr að því að bæta rekstraröryggi Gróttuvita.

Endurnýja á raflagnir í eyjunni sem komnar eru til ára sinna. Lagður verður nýr 40 metra jarðstrengur út í Gróttu en gömul loftlína verður í staðinn tekin niður. Loftlínan er norðan við fræðslusetrið í eynni og er heimtaug fyrir Gróttuvita.