Stjórnvöld í Rússlandi tilkynntu í gær að þau hygðust stækka Rússaher vegna ýmissa „öryggisógna“ sem nú væru við landamæri Rússlands. Dmitrí Peskov, talsmaður Pútíns Rússlandsforseta, sagði að ákvörðunin væri tekin vegna „ákaflega fjandsamlegs ástands“ á vesturlandamærunum og óstöðugleika á austurlandamærunum.
Ákvörðunin þýðir að fjöldi virkra hermanna í Rússaher, þ.e. þeirra sem geta sinnt hernaðaraðgerðum í framlínu, verður ein og hálf milljón manns. Þetta er í þriðja sinn sem Pútín ákveður að fjölga í fastaliði hersins frá því að innrás Rússa í Úkraínu hófst í febrúar 2022.
Þá kvörtuðu rússnesk stjórnvöld í gær undan ákvörðun tæknirisans Meta, sem rekur m.a. samfélagsmiðilinn Facebook, um að banna rússneska ríkisfjölmiðla af forritum sínum.
Peskov sagði að Meta hefði ákveðið
...