Þórshöfn Hér er horft til austurs frá Hófaskarði, en þar er jafnan snjóþungt yfir vetrarmánuðina.
— Morgunblaðið/Líney Sigurðardóttir
Líney Sigurðardóttir
Þórshöfn
Starfsmaður Langanesbyggðar varð heldur hissa á dögunum þegar hann þurfti að hringja í fyrirtæki í Reykjavík til að panta varahlut því þegar svarað var hjá fyrirtækinu heyrði hann bæði í starfsmanni þess í símanum sem hann hélt á og líka hinum megin við vegginn.
„Ég var að vinna í miðstöðvarkerfi í sveitarstjórahúsinu á Þórshöfn og vantaði varahlut, svo að ég hringdi í Fagkaup í Reykjavík til að panta hann,“ sagði Þorri Friðriksson við fréttaritara. „Það skrýtna var að þá heyrði ég bæði í konunni hjá Fagkaupum í símanum og hinum megin við vegginn,“ sagði Þorri og hló.
Starf án staðsetningar
Hann dreif sig inn til að kanna málið og þar sat við símann
...