Hjarðónæmi gæti brátt myndast í Stokkhólmi

Sendiherra Svíþjóðar í Bandaríkjunum segir líkur á að hjarðónæmi myndist gegn kórónuveiru í Stokkhólmi í maí næstkomandi, en þar í landi hafa stjórnvöld gripið til talsvert vægari aðgerða til að sporna gegn útbreiðslu veirunnar en víðast hvar annars staðar í Evrópu. Sú afstaða stjórnvalda hefur ekki verið án gagnrýni, meðal annars frá fjölmörgum læknum þar í landi. Alls eru nú hátt í 2.400 látnir í Svíþjóð og um 20 þúsund staðfest tilfelli.

„Um 30% íbúa Stokkhólms hafa myndað ónæmi,“ sagði Karin Ulrika Olofsdotter, sendiherra Svíþjóðar í Bandaríkjunum, í samtali við bandarísku útvarpsstöðina NPR í Washington. „Við gætum jafnvel náð hjarðónæmi í höfuðborginni strax í næsta mánuði.“

Með hjarðónæmi er vísað til hugtaks í sóttvarnafræðum og er um að ræða óbeina vörn gegn tilteknum smitsjúkdómi, en þetta á sér stað þegar stór hluti fólks er orðinn ónæmur fyrir smiti. Gerist þetta annaðhvort með bólusetningu eða með því að viðkomandi...