Nýtti sér þýskt yfirbragð við drápin

Nikolai Ivanovich Kuznetsov er nafn sem vafalaust fáir kannast við á okkar dögum og í raun einnig á tímum seinni heimsstyrjaldar því Nikolai þessi notaðist þá við ólík dulnefni. Hann er sagður bera ábyrgð á dauða ellefu háttsettra manna innan Þriðja ríkisins á 16 mánaða tímabili auk þess sem Nikolai aflaði upplýsinga fyrir öryggislögreglu Sovétríkjanna, NKVD. Þetta gerði hann í störfum sínum sem njósnari og hafði honum þá tekist að villa á sér heimildir og klæddist einkennisfatnaði þýska hersins. Nú þegar nærri 78 ár eru liðin frá andláti Nikolais er enn margt á huldu um hlutverk hans í styrjöldinni. Mun rússneska leyniþjónustan FSB að óbreyttu ekki aflétta leyndinni á skjölum er varða Nikolai fyrr en árið 2025.

Nikolai fæddist 27. júlí 1911 nærri Úralfjöllum í Perm-héraði í austurhluta Sovétríkjanna. Foreldrar hans voru bændur en sjálfur var Nikolai mikill tungumálamaður, lærði meðal annars þýsku, esperantó, pólsku og úkraínsku. Árin 1926 til 1937 hóf Nikolai nám í ýmsum...