Líkur á framhaldi Reykjaneselda í vetur

Ármann Höskuldsson, eldfjallafræðingur býst allt eins við framhaldi Reykjaneselda í vetur. Gosið sem var í Geldingadölum flokkast sem smá gos. Hraunmagn var á bilinu 5 til 10 rúmmetrar á sekúndu en við getum allt eins séð magfallt stærra gos. Jafnvel á bilinu 300 til 350 rúmmetrar á sekúndu, þegar horft er til gosefna. Ármann segir að við verðum að nota tímann vel til að tryggja að við getum brugðist skjótt við til að verja innviði. Hann vill að þeirri vinnu verði hraðað. Eldurinn er kominn í bakgarðinn hjá okkur og verður þar næstu aldir. Ármann er gestur Dagmála í dag og ræðir þar í þaula framhald og stöðu Reykjaneselda. Áhugavert viðtal við mann í eldlínunni.