Múmínálfarnir eiga stóran aðdáendahóp hérlendis en bækurnar um þessar stórkostlegu verur eru skrifaðar af finnsk-sænska rithöfundinum og myndlistarkonunni Tove Jansson. Þær voru gefnar út á árunum 1945 til 1970. Sögurnar gerast í Múmíndalnum og fjalla um múmínálfana og vini þeirra sem lenda í endalausum ævintýrum. 

Bækurnar um múmínálfana voru skrifaðar á sænsku og gefnar út fyrst að finnska bókaforlaginu Schildts Förlags Ab sem sérhæfir sig í útgáfu á sænsku og finnsku. 

Þær hafa verið þýddar á ein 43 tungumál og nokkrar þeirra þar á meðal á íslensku og er sú þýðing verk Steinunnar Briem blaðamanns sem lést árið 1974.

Auk níu skáldsagna um múmínálfana skrifaði Tove Jansson og myndskreytti fimm myndabækur, samdi teiknimyndasögur fyrir dagblöð með bróður sínum Lars Jansson sem birtust í enskum dagblöðum og lög innblásin af persónunum hafa verið gefin út. 

Ef þú elskar múmínálfana og lest bækurnar um þá fyrir börnin þín þá ættir þú að taka múmínálfaprófið og sjá hvort þú sért Múmínsnáðinn endurfædd/ur eða hvort þú sért jafnvel Mía litla eða jafnvel bísamrottan. 

https://quiz.tryinteract.com/#/5bd96dc13e79e000135ac589

Tengdar fréttir

Fjölskyldulíf

Jón fangaði foreldrahlutverkið í sinni tærustu mynd

• Áslaug Arna dansaði með Ægi og móður hans
• Sonur Sigríðar Thorlacius orðinn þriggja ára
• Dóttir Leifs og Hugrúnar komin með nafn
• Júlí Heiðar og Þórdís Björk gáfu dóttur sinni nafn

» Fleiri tengdar fréttir

• Blogga um frétt