Birnir Boði Enoksson, sonur Birgittu Lífar Björnsdóttur, samfélagsmiðlastjörnu og markaðsstjóra World Class og Enoks Jónssonar, fagnaði þriggja mánaða afmæli sínu með fyrsta þyrlufluginu.
Móðir hans deildi myndum úr fluginu á Instagram-reikningi sínum í dag, en ferðalangurinn ungi virðist hafa sofið vært í fluginu.
Drengurinn er fyrsta barn Birgittu og kærasta hennar Enoks, sem er sjómaður og athafnamaður.
Eru eflaust fáir sem geta státað sig af því að hafa farið í þyrluflug tæpri viku eftir eigin skírn líkt og Birnir Boði, en hann var skírður í Fríkirkjunni í Hafnarfirði síðastliðna helgi.