Fólk afkastar minna í góðu veðri

Rannsóknir á afkastagetu benda til þess að við afköstum almennt minna þegar veðrið er gott. Í rannsókn sem birtsti í tímariti bandaríska sálfræðingafélagsins voru niðurstöðurnar að góða veðrið hefði truflandi áhrif á vinnandi fólk.

Við Íslendingar eigum auðvelt með að færa þessar niðurstöður yfir á okkar raunveruleika. Hver kannast ekki við að bíða eftir að vinnudeginum ljúki til þess að komast út í góða veðrið?

Rannsóknin byggist á gögnum um japanska bankastarfsmenn, rannsóknum á starfsfólki í netiðnaðinum í Bandaríkjunum og tilraunum á rannsóknarstofu. 

Afköst starfsfólks voru meiri þegar veður var slæmt og minni þegar veður var gott. Niðurstöðurnar gefa til kynna að veðrið hafi sérstaklega áhrif á einbeitingu fólks. Í rannsókninni var öllu í umhverfinu stjórnað með tilliti til þess hvað drægi úr einbeitingu fyrir utan veðrið, enda lítið hægt að gera í því hvernig veðrið er.

Það er margt sem við getum stjórnað í umhverfi okkar til að forðast truflanir. Við getum þó ekki stjórnað veðrinu. Pexels

• Blogga um frétt