Missti 15 kíló á þremur mánuðum

Raunveruleikaþáttastjarnan Khloé Kardashian greindi frá því á bloggsíðu sinni að hún hafi misst 15 kíló síðan dóttir hennar fæddist í apríl. Khloé segir að það hafi ekki verið markmiðið, en hún hefur lagt hart að sér síðustu vikur. Hún segist ekki hafa getað hreyft sig fyrstu sex vikurnar eftir að hún átti True. Hún hafi hins vegar reynt að einbeita sér að því að komast aftur í rútínu í ræktinni. Það hefur svo sannarlega skilað sér því hún er 15 kílóum léttari en í apríl. 

„Að vera heilbrigð og að hreyfa mig er eitthvað sem mér finnst mjög mikilvægt. Hreyfing er eitthvað sem ég hef alltaf notað til að viðhalda geðheilbrigði mínu og til að losa um stress. Núna, þegar ég á barn, vil ég enn halda í þennan tíma, til að gera eitthvað fyrir sjálfa mig,“ skrifaði Khloé í færslu sinni. 

• Blogga um frétt