Ketó er eitt vinsælasta megrunarmataræðið í dag og á meðan sumir elska það hafa ekki allir trú á því. Er mataræðið meðal annars gagnrýnt fyrir að bera ekki árangur til lengri tíma litið. Klámstjarnan Jenna Jameson gefur þeim fingurinn sem hafa ekki trú á mataræðinu.
Segir Jameson að fjölmiðlar tali við marga sérfræðinga sem eru ekki sannfærðir um ketó-lífstílinn og sem reyni að koma því inn í kollinn á fólki að mataræðið sé ekki varanleg lausn. „En hér er ég, fólk, sjö mánuðir á ketó og lifi mínu besta lífi,“ skrifar Jameson sem vill greinilega meina að hún sé lifandi sönnun þess að ketó virki ekki bara í skemmri tíma.
En virkar ketó bara til lengri tíma litið? Women's Health greinir frá því að margir haldi því fram að þetta sé ekki góður lífstíll til lengri tíma litið vegna þess að mataræðið sé strangt og erfitt að fylgja. Hins vegar er líka bent á nýja rannsókn, að fólk á lágkolvetnamataræði, eins og ketó er, eigi auðveldara með að viðhalda þyngd sinni eftir að hafa grennst.
Júlía Magnúsdóttir heilsumarkþjálfi skrifaði pistil á Smartland á dögunum þar sem hún benti á að konur gætu átt erfiðara með að ná árangri á ketó-mataræðinu vegna hormónastarfsemi þeirra.