Leikarinn Jason Momoa minnir einna helst á ofurhetju í vexti. Vöðvastælta hollywoodstjarnan viðurkennir að lyfta lóðum en klifur á hug hans allan. Hann virðist ekki vera eins agaður og margir kollegar hans hvað viðkemur hreyfingu og mataræði. 

„Þetta er bara í ættinni,“ sagði Momoa í viðtali við desemberútgáfu Men's Health. „Fólk frá Havaí er stórt fólk. Ég klifra mikið í klettum. Kannski er ég api. Ég elska hvernig mér líður eftir klifur. Mér finnst gott að vera á hvolfi. Ég elskaði alltaf að klifra í trjám sem krakki og sveifla mér í golunni. En að lyfta lóðum er krefjandi.“ 

Momoa hugsar líka um það sem hann lætur ofan sig en vill gera betur í þeim efnum. Áramótaheitið hans fyrir næsta ár er að borða minna kjöt vegna umhverfisástæðna. Það verður þó erfitt þar sem hann segist elska kjöt. Hann stefnir einnig á að minnka bjórdrykkju. 

„Mig langar líka að fara frá því að vera helsti aðdáandi Guinness yfir í að vera bara mjög mikill aðdáandi Guinness.“

Frétt af mbl.is

Í skuldafeni eftir Game of Thrones

Auk þess að klifra og lyfta einstaka sinnum lóðum hefur Momoa prófað jóga. Hreyfinguna segir hann gríðarlega erfiða.

„Ég prófaði jóga um daginn og það var það erfiðasta sem ég hef gert á ævinni. Ég myndi frekar vilja lyfta bíl. Að klifra El Capitan væri auðveldara en að iðka jóga í tvo tíma.“

Jason Momoa prófaði jóga með eiginkonu sinni Lisu Bonet. AFP

Tengdar fréttir

Heilsurækt

Þetta vilja töffarar landsins fá í sumargjöf

• Tók á því í leðurbuxum
• „Tárin hættu bara ekki að streyma“
• Margir draga úr félagslegri virkni vegna grindarbotnseinkenna
• „Mér finnst ég aðeins tengdari guði og jörðinni“

» Fleiri tengdar fréttir

• Blogga um frétt