Crossfitstjarnan Sara Sigmundsdóttir prýðir forsíðu heilsu- og lífstílstímaritsins Women's Fitness um þessar mundir. Sara opnaði sig um forsíðuna á Instagram þar sem hún segir frá því af hverju hún byrjaði að hreyfa sig þegar hún var 17 ára gömul.

„Ég er svo glöð og það er mér mikill heiður að vera valin á forsíðuna á einu besta heilsu og lífstíls tímariti heims. Það er súrrealískt að hugsa til þess að þegar ég var 17 ára hafði ég eiginlega aldrei hreyft mig og aldrei farið sjálfviljug í ræktina. Venjur mínar voru óheilbrigðar, ég var óánægð með sjálfa mig og eina ástæðan fyrir því að ég fór í ræktina var af því besta vinkona mín eignaðist kærasta og ég fann fyrir pressu til að eignast kærasta,“ skrifar Sara við mynd af forsíðunni á Instagram. 

Sara er ein sú besta í crossfit í heiminum í dag og hefur sex sinnum keppt á heimsleikunum í Crossfit. Þá hefur hún tvisvar sinnum lent í þriðja sæti á leikunum og einu sinni í fjórða sæti. Sara keppti ekki á leikunum á síðasta ári vegna meiðsla en snýr aftur til baka á þessu tímabili. 

Sara segist ekki hafa haft græna glóru um hvað biði hennar þegar hún byrjaði fyrst að hreyfa sig til þess að léttast og ganga í augun á stráknum sem hún var skotin í. „Ég smitaðist óvart af crossfit bakteríunni í leiðinni. Sex árum seinna var ég á verðlaunapalli á heimsleikunum og nú sex árum eftir það er ég á forsíðu Women's Fitness,“ skrifar Sara.

Tengdar fréttir

Crossfit

Katrín Tanja brast í grát (myndskeið)

• Katrín Tanja á heimsleikana
• Breki keppir á heimsleikunum
• Sólveig og Halldór eru nýtt par
• Klaufaleg mistök í Madríd

» Fleiri tengdar fréttir

Heilsurækt

Tók á því í leðurbuxum

• Margir draga úr félagslegri virkni vegna grindarbotnseinkenna
• „Mér finnst ég aðeins tengdari guði og jörðinni“
• Biblíumaturinn sem fólk ætti að borða um páskana
• Lykilatriði að fara út fyrir þægindaramann og gefast ekki upp

» Fleiri tengdar fréttir

• Blogga um frétt